الدولار واحد من الموارد الاساسية لأي دولة في العالم، ومفيش دولة في العالم تقدر تمشي اقتصادها من غيره، وايه هي اهم الموارد الدولارية لمصر، وهل في قطاعات بعينها في مصر معروفة بزيادة دخلها الدولاري عن باقي القطاعات.. لو عايز تعرف كل ده شوف الفيديو ده للاخر

العالم كله في عملات كتيرة مختلفة، وكل دولة ولها العملة بتاعتها وفي أنواع وتكتلات كتيرة طلعت وكان الهدف منها ضرب سيطرة الدولار علي حركة التجارة العالمية بشكل كامل، وتقريبا كده مفيش اي نوع من التجارة الدولار مش بيدخل فيها، وعلي مر التاريخ كان هو البريمو، وعلشان كده كل الدول بتعامل بكل الطرق أنها تزود الاحيتاطي الاستراتيجي عندها من الدولار.

طيب اية هيا اهم مصادر الدخل الدولاري في مصر؟.
مصر زي اية دولة في العالم عندها اكثر من مدخل دولاري، بس في قطاعات مميزة بتختلف عن باقي القطاعات غيرها في العالم، وبيانات البنك المركزي كشفت ارتفاع حصيلة مصر من النقد الأجنبي من 5 مصادر أساسية في الدولة المصرية ووصلت نسبة الارتفاع في 2022 الي 15.9 مليار دولار، و5 قطاعات دول كان نسبة دخلهم في الدخل القومي المصري بنسبة 18% .

بيانات ميزان المدفوعات الصادرة عن المركزي قالت أن مصر  جمعت تدفقات من 5 مصادر للنقد الأجنبي في 2022، وصل الي 104.2 مليار دولار مقابل  88.3 مليار دولار في عام 2021.
طب اية هيا اهم القطاعات اللي بتمثل دخل اساسي للدولار في مصر ؟.
المصادر الخمسة الأساسية للنقد الأجنبي واللي حددها البنك المركزي المصري واللي هيا تعتبر اعلي المصادر في الدخل الدولاري لمصر وهي تحويلات المصريين العاملين بالخارج وقطاع السياحة والصادرات وإيرادات قناة السويس والاستثمار الأجنبي المباشر.
بيانات البنك المركزي اكدت كمية الصادرات المصرية وصلت في 2022 الي 44.7 مليار دولار بزيادة وصلت الي 8.3 مليار دولار بنسبة 22.8% عن الرقم اللي حققته مصر 2021 واللي وصل وقتها الي 36.4 مليار دولار.
البنك المركزي قال أن تحويلات المصريين بالخارج هيا تاني أهم مصدر دولاري لمصر ووصلت اجمالي تحويلات المصريين العاملين بالخارج في عام 2022 الي 28.3 مليار دولار ووصل معدل التراجع في ايراداتهم الي 3.2 مليار دولار بنسبة 10.2% خصوصا ان وصل في سنة 2021 الي 31.5 مليار دولار، وده كان بسبب النشاط الكبير جدا للسوق السودا في مصر.
البنك المركزي قال في تقريره أن ايرادات قطاع السياحة جت في المركز التالت كاهم مصادر الدخل الدولاري لمصر من الخارج وسجلت 12.2 مليار دولار في سنة 2022، ووصل معدل الزيادة في ايرادات قطاع السياحة الي 3.3 مليار دولار بنسبة 37.1% عن النسبة اللي حققتها مصر في 2021 واللي وصلت في الوقت ده الي 8.9 مليار دولار ووصلت إيرادات السياحة لحوالي 14 مليار دولار في اخر سنة سياحية متصدرة السوق الأفريقية.

تقرير البنك المركزي قال كمان ان الاستثمار الأجنبي المباشر واحد من اهم مصادر الدخل الدولاري المصري، وسجل 11.4 مليار دولار في سنة 2022، ووصل معدل الزيادة في ايرادات الاستثمار الاجنبي المباشر الي 3 مليار دولار بنسبة 123.5% عن الرقم اللي حققته مصر في 2021 واللي وصل 5.1 مليار دولار.
واخيرا البنك المركزي قال ان ايرادات قناة السويس وصلت في سنة 2022 الي 7.6 مليار دولار، بزيادة وصلت الي 1.2 مليار دولار بنسبة 18.8% عن الرقم اللي حققته مصر في 2021 واللي وصل الي 6.4 مليار دولار.