مصر عندها علاقات اقتصادية كبيرة مع دول الاتحاد الافريقي، والسوق الأفريقي بالنسبة لمصر سوق مهم وواعد وقابل بشكل كبير للصناعة المصرية.. ياتري حجم التصدير المصري لدول الاتحاد الأوروبي وصل لكام.. ومصر مستهدفة كام تبادل تجاري مع دول افريقيا.

افريقيا من اهم الاسواق للصادرات المصرية، واغلب الصادرات اللي بتخرج من مصر بتكون لدول افريقيا خصوصا ان اغلب الدول الافريقية معندهاش تقدم اقتصادي ودا لعوامل كتيرة جدا اهمها عدم توافر البنية التحتية السليمة اللي تكون من خلالها الدول دي قادرة علي بناء وتشغيل مصانع، علي الرغم من توفر المواد الخام والموارد الطبيعية في نسبة كبيرة من دول قارة أفريقيا.

التاخر التكنولوجي والصناعي اللي موجود في اغلب الدول الأفريقية خلاها دول مستوردة من المقام الأول وبالتالي كل دول العالم بتسعى للتصدير لافريقيا خصوصا أن اغلب دول افريقيا عندهم موارد طبيعية كتيرة جدا بيبعوها في شكلها الخام للدول الخارجية ويرجعوا يستوردها تاني في شكل صناعات وسلع علشان يغطو احتياجات السوق المحلي لبلادهم.

طيب اية اللي عملته مصر علشان تصدر بنسبة كبيرة لدول قارة أفريقيا؟.
من فترة طويلة والقيادة السياسية المصرية كانت واعية للي بيحصل في دول قارة أفريقيا، وعلشان كده الحكومة المصرية كانت سابقة كل دول العالم بخطوة مهمة جدا وهيا المراكز اللوجيستية اللي بنتها الحكومة في عدد كبير من الدول الافريقية، خصوصا أن وصول الصادرات للدول الافريقية بياخذ مجهود وفترة طويلة جدا علي ما يوصل للمستهلك هناك، وده بيخيلي نسبة كبيرة من الصادرات ممنوع علي الدول اللي زي مصر تصدرها لدول القارة الافريقية، بسبب أنها بتكون سريعة التلف.
المراكز اللوجتسية اللي بنتها مصر في اغلب الدول الافريقية بقت مراكز  تخرين كويسة جدا للصادرات المصرية في كل الدول الافريقية وبقي متوفر فيها السلع المختلفة اللي بتحتاجها الدول واللي طبعا بتختلف من دولة للتانية، والمراكز بقي بيكون متوفر فيها مخزون استراتيجي من التصدير وبيكون تحت الطلب للمستوردين هناك وده اللي خلي الصادرات المصرية للدول الإفريقية تسجل 9.2 مليار دولار خلال في 2023  لدول الاتحـاد الأفـريقي مقابل 8.7 مليار دولار خـلال 2022 بنسبة زيادة وصلت لـ 5.7%.

تقرير الجهاز المركزي للتعبئة والاحصاء، كشف عن اكثر الدول اللي مصر صدرت لها في الفترة اللي فاتت جت الدول اللي قريبة جغرافيا لمصر في صدارة الدول المستوردة وأولهم دولة ليبيا واللي حلت معدل الصادرات المصرية هناك لـ1.8 مليار دولار بنسبه 24.9  % من إجمالى صادرات مصر للدول الأفريقية، وبعدها جت السودان واللي وصلت قيمة الصادرات لـ989 مليون دولار، ةوبعدهم جت الجزائر واللي وصلت قيمة الصادرات لـ859  مليون دولار بنسبه 11.6% من إجمالى صادرات مصر الى الدول الأفريقية، والمغرب جت في المركز الرابع في قيمة الصادرات لـ829  مليون دولار بنسبه 11.2 % من إجمالى صادرات مصر لدول أفريقيا، وجت دولة كينيا في المركز الخامس بأجمالي صادرات بتوصل لـ327 مليون دولار بنسبه 4.4% من إجمالي صادرات مصر  الى الدول الأفريقية.