اسعار الذهب رجعت ترتفع تاني وبارقام كبيرة، ومحققة مكاسب خيالية للناس اللي استثمرت فلوسها في المعدن الاصفر.. ياتري اية اللي هيحصل في اسعار الذهب مع بداية 2025.. وامتي عيار الذهب هيوصل لـ4 الآف جنية.. تابعونا للأخر وهتعرفوا التفاصيل

الدهب حاليا عمل رمونتادا عالمية، واسعاره ضربت الكل ورجعت تسيطر من تاني علي سوق التعاملات، والاسعار كل يوم في الطالع بعد ما الكل كان متوقع عكس كده، خصوصا مع عودة الرئيس الامريكي السابق ترامب لرئاسة الولايات المتحدة الأمريكية واللي أكد في اكتر من خطاب انتخابي له بتعزيز قوة الدولار قدام كل العملات العالمية، وانه هيفضل العملة المهيمنة علي الاقتصاد العالمي زي ما كان وأن مفيش أي تعامل في العالم هيكسر هيبة الدولار سواء كان بريكس أو غيره.

تصريحات الرئيس الأمريكي المنتخب دونالد ترامب، كان لها صدي عالمي، وفعلا الذهب في أول اسبوع من اعلان فوزه بالانتخابات الامريكية خسرت بشكل عالمي بدرجة كبيرة، والخسارة دي سمعت عندنا هنا في مصر، وفعلا جرام الذهب عيار 21 واللي هو الأكثر مبيعا في الاسواق خصوصا في القري والنجوع خسر أكثر من 300 جنية وفعلا كله قال أن الدولار هيركب ومش هينزل تاني حتي لو اية.، ومفيش ايام من الكلام ده إلا والدهب رجع وعمل رمونتادا عالمية وسجل ارتفاعات جديدة، واسعار بدأت تضرب في العالي، والسعر كل ساعة بيتغير عن الساعة اللي قبلها.

طيب الدهب رايح علي فين في الشهر الاخير لـ2024؟.
كل التوقعات العالمية بتأكد أن الدهب سعره طالع ومكمل ومش هيتأثر لا بعودة دولار ولا غيره، خصوصا ان في اقبال عالمي حاليا وبشكل مكثف علي شرائه، خصوصا أن كل الدول والافراد بيعتبره انه الملاذ الامن في كل الأوقات.
التوقعات اللي بتأكد ارتفاع اسعار الدهب ترجمتها الأسعار العالمية واللي وصلت لأعلى مستوي لها فى الأيام اللي فاتت وقربت من 2800 دولار للأونصة قبل ما تتراجع وتتداول عند مستويات 2600 دولار للأونصة.
مصرف يو بي إس السويسري توقع وصول سعر الدهب لـ 2900 دولار للأوقية بنهاية عام 2025، خصوصا في ظل حالة التغيرات الجيوسياسية اللي موجودة حاليا، وسيطرة الجمهوريين على السلطتين التنفيذية والتشريعية بالولايات المتحدة، ورغبة المستثمرين في تنويع الأصول.
البنك قال أن سعر الدهب سيشهد فترة من الاستقرار بسبب قوة الدولار، ومخاوف زيادة حجم الإنفاق المالي للحكومة الأميركية، واللي هتسبب في ارتفاع التضخم وبالتالي الفيدرالي الامريكي هيضطر لزيادة أسعار الفايدة من جديد بعد ما رجع خفضها في الفترة اللي فاتت.
بنك جولدمان ساكس توقع كمان ارتفاع أسعار الدهب لمستوياتٍ قياسيةٍ جديدة في 2025 بدعم من إقبال البنوك المركزية على المعدن الأصفر، خصوصا بعد ما البنك ادرك الدهب كواحد من أفضل أنواع السلع للاستثمار في عام 2025 واللي هيقبل عليها المستثمرين لشرائه في والتوسع في الاستثمار فيه في الفترة اللي جاية.