في عدد كبير من الشركات ورؤوس الأموال الأجنبية دخلت مصر في الفترة اللي فاتت، والسر في الاستثمارات دي كلها كان تعديلات قوانين الاستثمار.. ياتري إيه اللي عملته الحكومة لتعديل تشريعات دخول الشركات ورؤوس الاموال الأجنبية.. ومصر بتستهدف اية في الفترة اللي جاية..

خطة الدولة لمعالجة الاقتصاد المصري بدأت من الاستثمار خصوصا في نسبة كبيرة جدا من الشركات وروؤس الأموال الأجنبية خرجت من مصر في 2022 مع الأزمة الروسية ، ده غير أن في شركات كتير برضوا وقفت عجلة التشغيل، وده بسبب التقلبات الأقتصادية اللي كانت موجودة في مصر وعدم استقرار اسعار الصرف، ووجود أكتؤمن سعر لصرف العملات في السوق المصري... طيب اية اللي عملته الدولة علشان تشجع روؤس الأموال الأجنبية والاستثمار المباشر يدخل للدولة المصرية؟

الحكومة في الفترة اللي فاتت قررت تشكل مجموعة اقتصادية والمجموعة دي شغلها الشاغل هو زيادة تنافسية الاقتصاد المصري وتوفير مناخ جاذب للاستثمار، وتحدد البنود اللي من خلاله يقدر يكون القطاع الخاص في صدارة النمو الاقتصادي في الفترة اللي فاتت وتذليل العقبات اللي بتواجه الاستثمار والمستثمرين.

الحكومة قالت إن خطة جذب الاستثمارات الأجنية قايمة بشكل كبير علي تخفيف الأعباء المالية الضريبية على الشركات،  وتخفيف التكاليف والوقت، والدولة أعلنت عن استهداف مجالات وانشطة معينة في الفترة اللي جاية في قطاعات الطاقة الخضراء وصناعة العربيات والصناعات الدوائية والاجهزة المنزلية والسياحة والاتصالات وتكنولوجيا المعلومات.

المهندس حسن الخطيب وزير الاستثمار والتجارة الخارجية قال ان الاستراتيجية الاقتصادية لمصر بترتكز على جذب الاستثمارات الأجنبية المباشرة، وتنويع مصادر الدخل، وتعزيز نمو القطاع الخاص، وتحديث الأطر التنظيمية، وده بهدف تعزيز مناخ الاستثمار في مصر وتحسين بيئة الأعمال التجارية، وده في إطار التزام الحكومة المصرية بتحقيق نمو اقتصادي مستدام وتعزيز مكانة مصر كوجهة رئيسية للاستثمار في المنطقة.

وزير الاستثمار قال إن مصر حاليا بتستهدف تعزيز تنافسية المنتج المصري وتبسيط الإجراءات وزيادة الشراكات مع القطاع الخاص وتسهيل الإجراءات وتقليل الأعباء على المستثمرين، ودي كلها اجراءات هتساهم في تحسين التنافسية الاقتصادية لمصر .

طيب اية اللي حققته مصر من تبسيط الاجراءات وتعديل التشريعات الخاصة بقطاعات الاستثمار؟.

حسام هيبة الرئيس التنفيذي للهيئة العامة للاستثمار والمناطق الحرة، قال أن مصر نجحت في جذب استثمارات أجنبية مباشرة بقيمة 10.04 مليارات دولار بمعدل نمو وصل لـ 12.3% مقارنة بالسنة اللي فاتت وده أعلى معدل للنمو علي مدار 15 سنة، وحاليا الحكومة بتخطط لجذب 20 مليار دولار من الاستثمارات الأجنبية المباشرة سنويا، كجزء من استراتيجيتها التنموية.

خطة مصر لعمل خطوات واصلاحات اقتصادية بتقوم علي الشراكة مع القطاع الخاص، وعلشان كده الدولة هتتخارج من ٦٢ نشاط اقتصادي في فترة تتراوح من 5 إلى 5 سنين، وكمان هتخفض وتثبيت استثماراتها فى 56 نشاط، وهتشتغل علي زيادة الاستثمارات في 76 نشاط تاني .