أعرب مصطفى شوبير حارس مرمى النادي الأهلي ومنتخب مصر، عن سعادته الكبيرة، بعد فوزه بجائزة أفضل حارس مرمى، في حفل دير جيست، ويستعرض موقع تحيا مصر أبرز ما جاء علشان مصطفى شوبير.

تصريحات مصطفى شوبير

قال مصطفى شوبير، عبر قناة النادي الأهلي: “إحساس حلو اوي أن الواحد بيتكرم مع اللعيبة دي، ديما الواحد كان بيتفرج زمان وكان بيبقى نفسه ياخد جايزة من الجوايز دي، الحمد لله ربنا بيكرمني إني أخد أحسن جون في مصر ودي حاجة مش قليلة وطبعا الحمد لله الحمد لله من هنا لبكرة”.

وتابع: “وانا بستلم الجايزة شريط الموسم كله عدى في دماغي، وإداني حافز إني عايز أفكر لقطات السنة الجاية تتعرض هنا تاني، وأكون موجود هنا تاني، ومش هنا بس كمان في جايزة افريقيا، ودايما طموحي كبير وإن شاء الله دي تكون بداية والواحد يكمل على كده”.

وأكمل: “يارب دايما أبقى مفرح أبويا ومشرفه، دي حاجة تخليني أبقى فخور بنفسي، فيارب أبقى دايما مفرحه ومفرح كل أهلي، وأواصل مسيرته مع الأهلي”.

وأتم مصطفى شوبير حديثه: “حابب أشكر جمهور الأهلي، أنتوا الداعم الأول لينا، ودايما عايزينكوا معانا في كل الماتشات، المنظر في ماتش العين كان تحفة والكل خرج من الماتش مبسوط، وإن شاء الله كل الماتشات تبقى كده، لاننا بنبقى مبسوطين وهما موجودين وهما بيدونا إضافة مش كلام بس”.

مواعيد مباريات الأهلي في الجولتين الأولى والثاني من دور المجموعات في دوري أبطال إفريقيا

الجولة الأولى: الأهلي يواجهة ستاد ابيدجان على ستاد القاهرة في السادسة مساء يوم 26 نوفمبر. 
الجولة الثانية: الأهلي يواجهة اورلاندو بايرتس في جنوب افريقيا في الثالثة عصر يوم 7 ديسمبر.

خطاب الفيفا إلى النادي الأهلي

تلقت إدارة النادي الأهلي خطابا جديدا من الاتحاد الدولى لكرة القدم حول تحديد موعد الأول من مارس المقبل لإرسال الفرق المشاركة فى النسخة الجديدة لبطولة كأس العالم للأندية التى ستقام بالولايات المتحدة الأمريكية صيف 2025 للقوائم المبدئية لها بشرط ألا تزيد على 50 لاعبا بينهم 4 حراس مرمي.

وأكد الفيفا في خطابه أنه يجب على الأهلى تقليص تلك القائمة قبل يوم 10 يونيو 2025 إلى 35 لاعبا سيغادر بهم الفريق إلى أمريكا على أن يختار 26 لاعبا من بينهم قبل أى مباراة بيومين فقط.