حذر الشيخ رمضان عبد الرازق من مشاركة الخلافات الزوجية عبر مواقع التواصل الاجتماعي.

قال "عبد الرازق" في برنامج "الدنيا بخير" عبر قناة الحياة مع الإعلامية لمياء فهمي: "البيوت والأسر تعيش أزمات ضخمة جدا في زماننا بسبب الموبايل اللي بعض الزوجات 24 ساعة على الإنترنت أو بعض الأزواج تلاقيه بيعمل الشيء وهو باصص فيه".

تابع: "إذا غضب الرجل أو المرأة ربما ينزلوا بوست إنهم غضبانين وزعلانين ويلقحوا كلام، أو ممكن تلاقي واحدة ست اتخانقت مع جوزها وهو كسر حاجة فتصورها وتنزلها، وده من أكبر المعاصي لله رب العالمين.. الشيطان لا يرضيه الهدوء في البيت".

استكمل: "صارت البيوت دلوقتي ليس لها حرمة بسبب للشيطان اللي في ايد الناس الذي يسيئون استخدامه كارثة".

أردف: "كارثة كبيرة جدا إنك تشارك الناس على السوشيال ميديا أسرار بيتك، فيه كتير من الناس يستغل الظرف لخراب البيوت أو تدمير الأسر.. ممكن حد فاقد للأسرة فتلاقيها بتسلطها وهي حاطة السم وسط العسل (إزاي يقولك كده؟ وعادي إنك تعملي كده أو أنتي لازم تعرفي تفاصيل حياته).. دول مدمرات البيوت.. إيه اللي بيحصل ده؟ يا جماعة فوقوا".