معاناة يعيشها شاب يدعى يوسف البالغ من العمر 22 عامًا، مقيم في محافظة السويس، وذلك بسبب تخلي والديه عنه وتركاه وحيدًا مشردًا في الشوارع دون مأوى، وعلى الرغم من علمهما بمعاناته من مرض السكري إلا أنهما لم يهتما به.

معاناة شاب مشرد في السويس

وقال الشاب يوسف إن والديه انفصلا عن بعضهما وانتقل للإقامة مع والده في منزله بعد زواجه من سيدة أخرى، إلا أنه كان يعامله بأسلوب قاسٍ وكان يتعدى عليه بالضرب بشكل متكرر، ما أدى ذلك لإصابته بمرض السكري.

وواصل: جالي السكر وأنا عندي 17 سنة من كتر ضربه وإهانته ليا.. مرات أبويا كانت مبهدلاني وكانت بتسخن أبويا عليا يضربني.. وأمي لما عرفت إني جالي السكر خدتني أعيش معاها وودتني أتعالج.. بس فجأة الظروف اتبهدلت معاها فـ رمتني وراحت اتجوزت عشان تعيش حياتها.

وأضاف الشاب يوسف أنه منذ ذلك الحين وظل مشردًا في الشوارع دون مأوى منذ 6 سنوات حتى الآن، إذ أنه يكافح للعمل بالحلال ليتحمل مسؤولية نفسه وعلاجه، إلا أن حالته الصحية كانت بمثابة عائق أمامه.

وأكمل: بقالي 6 سنين في الشارع بتمرمط وبشتغل عشان أشيل نفسي.. وللأسف مبعرفش أكمل في شغل لأني كل شوية بقع من كتر تعبي.. آخر فترة فضلت قاعد 10 أيام في الشارع من غير أكل ولا الأنسولين لحد ما فقدت الوعي والناس نقلوني المستشفى وفضلت محجوز هناك 3 شهور.

وأوضح الشاب يوسف أنه حاول أكثر من مرة أن يتواصل مع والده ولكنه دائمًا ما كان يتهرب منه، مختتمًا: لما بكلم أبويا بيقفل السكة في وشي وبيقولي أنا معنديش ابن.. عملت لأبويا إيه هو ولا ماما عشان يرموني كده في الشارع؟ إيه ذنبي عشان يسيبوني في الدنيا لوحدي من غير أكل ولا علاج.