استغاثت سيدة مقيمة في إحدى قرى محافظة المنوفية، من بطش زوجها بسبب كثرة خلافاتها معه خلال الفترة الأخيرة، حيث أنه منعها من رؤية نجلها الصغير البالغ من العمر 4 سنوات، من ذوي الهمم، ورغم ذلك فهو يرفض أن يتكفل بمصاريف علاجه مما سيؤدي ذلك إلى تدهور حالته وتأخرها.

استغاثة سيدة من زوجها في المنوفية

وقالت السيدة إنها تعاني من كثرة خلافاتها مع زوجها بسبب سوء معاملته لها، إذ أنه يتعدى عليها بالضرب ويتعمد إهانتها بشكل دائم.

وواصلت: أنا لسه مطلقتش من جوزي بس إحنا منفصلين عن بعض ومفيش أمل أرجع له تاني.. وده عشان هو بهدلني كتير ومش كفاية إنه خد مني ابني لأ ده رفع عليا قضية بيقول إني بستغل الولد عشان هو مريض وبتسول بيه!.

وأضافت السيدة أن زوجها حرمها من رؤية نجلها منذ 4 شهور، لافتة إلى أنها مصممة على رد نجلها لأحضانها من جديد؛ وذلك لأنه مريض ويحتاج إلى رعاية بسبب حالته الصحية والإعاقة التي يعاني منها.

وتابعت: ابني عنده ضمور في العضلات ودايخة بيه من وهو لسه في اللفة عشان أعالجه.. وفيه دكاترة بيدوني أمل إنه ممكن يخف وأنا بسعى ورا الأمل ده.. ولكن للأسف أبوه من وقت ما خده مني بطل يوديه جلسات العلاج بتاعته ومش بيرعاه.. وأنا عاوزة ابني لأني أنا أمه وأكتر حد يخاف عليه ويهتم بيه.