تصدر الفنان هيثم سعيد، مؤشرات البحث جوجل ومنصات التواصل الاجتماعي خلال الساعات القليلة الماضية، وذلك بعدما كشف عن اعتزاله العمل الفني بعدما شعر بالإحباط للعثور على فرصة حقيقة. 

وفي هذا السياق، كان الفنان تامر حسني أول الداعمين للفنان هيثم سعيد، عبر حسابه الرسمي على «إنستجرام»، حيث وجه لديه رسالة دعم، مطالبه بالعودة والتعاون معه، وتقديم سبل المساعدة لديه. 

تامر حسني يدعم هيثم سعيد

أعاد تامر حسني، نشر مقطع فيديو اعتزال هيثم سعيد عبر حسابه على «إنستجرام»، موجها لديه رسالة قائلا: حبيبي هيثم أنا أكيد أزعل لما أشوف فنان جميل زيك يصيبه اليأس بالشكل ده. 

وأضاف: أنا فاهمك وحاسس بيك كويس، طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير.
وتابع: أنت عارف أنا شوفت إيه من حروب بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة ربنا بس العالم بيك.

وأضاف: عالم أنت شوفت إيه وحسيت بإيه بس خليني أقولك حاجة أجمل من ده كله اتأكد من حاجه زي ما أنت متأكد إن اسمك هيثم وأكتر كمان. 

وتابع: ربنا لما بيقفل باب بيبقى عايزك تفهم إنه قفله عشان يوجهك تروح باب تاني أفضل مش عشان يزعلك، ما دام أنت اخترت تسافر تجرب مش عيب جرب جايز تلاقي نجاح عالمي حصلك أكبر من اللي كنت بتحلم بيه ونصيحة ليك برضه. 

وواصل: أدرس التوزيع الموسيقي عشان تعمل مزيكتك بنفسك وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب.
وأردف: لو حسيت بأي صعوبة أرجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل وشکل جمیل ومحترم وتستحق كل خير.. فكر يا صاحبي وأنا بعون الله معاك. 
تعليق هيثم سعيد على دعم تامرحسني

ومن ناحية آخرى، علق هيثم سعيد، عبر حسابه الرسمي على «إنستجرام» على دعم تامر حسني، قائلا: شكرا لكلامك الجميل يا حبيبي، ربنا يجمعنا تاني على خير.