أهدى الفنان أحمد عز، تكريمه من مهرجان القاهرة السينمائي الدولي، بجائزة فاتن حمامة للتميز في الدورة الـ 45 من المهرجان.

قال "عز" خلال حفل افتتاح المهرجان: "عايز اهدي الجايزة لنجم عزيز عليا وعلينا كلنا جدا، هو ملهم بالنسبة لي ولكل الناس تقريبا، قال لي إن الالتزام والورق هما أبوك وأمك في الصناعة دي، وأنا بدي النصيحة دي لأني حد جديد برضو، بهدي الجايزة دي للنجم الزعيم عادل إمام".

أضاف: "من حوالي 24 سنة خيروني بين إني اكمل في شغلي أو إني أعمل بطولة أول فيلم، وعلى غير رغبة أهلي اخترت التمثيل.. للأسف كل ده بييجي وأبويا وأمي مش موجودين بس أنا متأكد لو كانوا موجودين أكيد كانوا هيبقوا فخورين بيا".

أردف: "أنا بعتبر الجائزة العظيمة دي حافز للي جاي، لأني لحد النهاردة حاسس إني معملتش حاجة خالص".

ويعد مهرجان القاهرة السينمائي الدولي، هو أحد أعرق المهرجانات في العالم العربي وأفريقيا والأكثر انتظاما، إذ ينفرد بكونه المهرجان الوحيد في المنطقة العربية والأفريقية المسجل في الاتحاد الدولي للمنتجين في بروكسل "FIAPF".

نرشح لك: أمينة خليل تتحدث عن تقديمها لمسلسل "لام شمسية" بعد اعتذار منى زكي