الخميس 14/نوفمبر/2024 - 12:14 ص

كشف إمام عاشور لاعب الأهلي عن علاقته بـ نبيل عماد دونجا لاعب الزمالك، بعد ما تردد عن وجود أزمة بين اللاعبين بسبب التصريحات التليفزيونية الأخيرة وأزمة نجم الزمالك في الإمارات.

إمام عاشور: كنت زعلان على دونجا.. وبعيدا عن الكرة إحنا أخوات

وقال إمام عاشور في تصريحات تليفزيونية: مفيش أي حاجة بيني وبين دونجا، أنا كنت زعلان جدا على اللي حصل معاه وبعيدا عن الكرة إحنا أخوات.

وأضاف نجم الأهلي: أنا ممكن احط نفسي مكانه فأنا مرضهاش على نفسي ومرضهاش عليه، وطلعت بعد السوبر وقلت إن شاء الله تعدوا من اللي أنتوا فيه وترجعوا مع فرقتكم، ومفيش أي حاجة.

وأكمل إمام عاشور: أنا ودونجا أصحاب من زمان وكنا بنلعب ضد بعض ونصْرب بعد في الملعب لكن برا مفيش أي حاجة.

وتطرق نجم الأهلي لواقعة شيكابالا قائلا: كان في لقطة مجتش شيكابالا بيقولي أنا زعلان منك عشان بكلمك ومكنتش بترد، قلتله ما أنا كلمتك ومردتش عليا برضه، في اللقطة دي بقى دونجا كان بيدخل عليا جامد وعنده إنذار، روحت لشيكابالا قلتله، خلي بالك عمال بيدخل عليا جامد، عشان هخليه ياخد إنذار تاني واطرده.

إمام عاشور مع الأهلي موسم 2024-2025

وشارك إمام عاشور مع الأهلي في أول مباراتين بالدوري هذا الموسم كما شارك في تتويج الأهلي بكأس السوبر المصري، وأحرز إمام هدفا في فوز الأهلي على العين الإماراتي ببطولة إنتركونتيننتال.