السبت 16/نوفمبر/2024 - 12:31 ص

وجه إبراهيم حسن مدير منتخب مصر عدة رسائل بعد تعادل الفراعنة مع كاب فيردي ضمن تصفيات إفريقيا المؤهلة إلى بطولة الأمم الإفريقية المغرب 2025.

إبراهيم حسن: لازم يكون عندك تواضع عشان تلعب في المنتخب

وقال إبراهيم حسن في تصريحات تليفزيونية: فيه لاعيبة بعدوا شوية عن مستواهم وشتتوا نفسهم، لكنهم مهمين ولازم يرجعوا للتركيز، والأنانية والغرور مش هتفيد لازم يكون عندك تواضع علشان تلعب في المنتخب، مفيش حاجة اسمها مش مهتم ألعب لمنتخب بلدي، كل لاعب لازم يعرف إنه شرف ليه إنه يكون موجود في منتخب مصر.

وأضاف مدير منتخب مصر، مفيش داعي أقول أسامي، هم عارفين نفسهم، لازم يشدوا ويرجعوا تاني لمستواهم، مشيرًا إلى أن حسام حسن المدير الفني يعمل على زيادة عدد اللاعبين في صفوف الفريق بسبب كثرة الإصابات وغياب المحترفين.

وتطرق مدير منتخب مصر لركلة الجزاء المحتسبة على الفراعنة وتسبب فيها محمود صابر لاعب خط الوسط قائلا، محمود صابر أقسم لي إنه لم يلمس لاعب كاب فيردي، وكان هناك تصيد من الحكم، لأول مرة في حياتي أرى الحكم الرابع هو من يوجه القرارات.