عبر الإعلامي أحمد موسى عن استيائه الشديد من استخدام إحدى شركات الكهرباء أدوات لا تصلح للاستخدام في المنطقة الأثرية للأهرامات.

وقال موسى خلال برنامج "على مسؤوليتي" المذاع على قناة "صدى البلد": "أحنا قدام أمر في غاية الخطورة المجلس الأعلى للآثار طلع أتكلم أو غيره طلع أتكلم أنا بتكلم على الهرم يا جماعة مسألة أن احنا بنعمل سلك كهرباء والا كابلات كهرباء والا حد يمسك شاكوش وأجنه في الهرم حتى لو مقربش للهرم".

وأضاف: "يا أخي أنت جالك قلب تعمل كده بص شاكوش وأجنة والسياح موجودين؟ وانت حضرتك جالك مزاج تشتغل دلوقتي؟ جالك مزاج الكابل ده عايز تغيره أو تقطعه فتمسك الأجنة والشاكوش وتقعد تكسر حتى لو مش هتقرب من الحجر".

وتابع: "أنا بتكلم عن مسألة الشركة المنفذة لهذا الأمر ازاي تعمل هذا الإجراء أدي كبل شوف الكابل واصل فين؟ دا منظر؟ يا جماعة بتكلم عن الهرم هو احنا معندناش أي طريقة محترمة نعالج بيها الأمر؟ معندكش مواسير محترمة كده نضيفة طاقة شمسية يا راجل متعرفش تنور الهرم بالطاقة الشمسية؟".

وواصل: "جايبلي كابل وتوصله وسلك ويعدي من فوق ويطلع على الحجارة وناس بتكسر وناس بتعدي والسياح يتفرجوا وهيصة بغض النظر اتكسر الحجر أو متكسرش أنا بتكلم عالمعني في ناس بتشوه في البلد وبتضرب في السياحة".

وأوضح: "اللي بيحصل ده الشاب اللي بيعمل ده هو عارف هو بيعمل ايه والأخ اللي طالع واللي نازل معندش اختراع اسمه طاقة شمسية للهرم؟ معندكش حاجة اسمها مواسير نضيفة بدل ما انت بتعدي وتمرر والسياح يتفرجوا عليك كده؟ صورة مهينة ومرفوضة هو أنا النهاردة أجيب أي شركة أقوله اتفضل في الهرم؟".

واختتم: "صورة مسيئة هو أنا فين الخبراء اللي عندي والعلماء اللي عندي ووزارة السياحة اللي عندي والعلماء اللي عندنا محدش بياخد رأي حد هو أي واحد بيعمل من غير قانون ومن غير ما حد يحاسب".