خرجت الفنانة فريدة سيف النصر للتتحدث عما فعله الفنان حسن الهلالي في مهرجان القاهرة السينمائي، وحديثه عن رفض الفنان حسن يوسف أن يقبله في عزاء شقيقه مصطفى، مشيرا إلى أن النجوم الكبار يتكبرون عليه.

فريدة سيف النصر تنتقد حسن الهلالي

وكتبت فريدة سيف النصر على حسابها الرسمي بموقع التواصل الاجتماعي فيسبوك ورصده موقع تحيا مصر: سيادة النائب العام بلطجه في محفل دولي.. اللي حصل من الممثل..  الهلالي في مهرجان القاهره وعالريد كاربيت ..شئ بلا شك مأجور جدا مهما حاول اي حد ينفي..انت في الفيديوهات بتقول في العزاء مارضيش يبوسك..يبوس مين وفين؟ انت اصلا مركب اسلاك شائكه علي وشك.

فريدة سيف النصر تتوعد لحسن الهلالي 

وتابعت فريدة سيف النصر في حديثها: هو في ايه بالظبط ياحظك اني ماكنتش هناك، وبعدين تروح المهرجان تعمل الحبه دوول ايه دخل العزاء في المهرجان المفروض انت زكي والباقي اغبياء وتاني بكام.. ماشي،  نختصمك عند النائب العام انت قليت ادب علي رئيس مهرجان القاهره الدولي اولا ودي كارثه مكان عمل ..وثانيا النجم الخلوق .. حسين بك فهمي. وواضح الجهه اللي زقاك جدا.

واختتمت فريدة سيف النصر: عنه نرجو من السيد المحترم النائب العام عقاب رادع. ومن نقيبنا المحترم التصرف العاجل.. بلا قلة قيمه.. وشرشحه والصوت العالي مش عندنا الكلام ده ولا بياكل..وفي مهرجان دولي كمان وكل ده علشان الحلو عايز يتباس .. ومن ٱمن العقاب اساء الادب.. بلا قلة تقدير وبلطجه.. ده تصرف تحت بند بلطجه في مكان عام وفيه فنانين وصحافيين اجانب بتصدر ايه ياهلالي للخارج الناس تخاف تيجي عندنا لاااا خاف انت وخاف بجد.. و تاني بكام.. أنا غضبانه جدا.. واتقي شر الحليم.

انفعال حسن الهلالي في مهرجان القاهرة السينمائي 

وكان قد انفعل حسن الهلالي في مهرجان القاهرة السينمائي ، حيث قال في فيديو متداول على مواقع التواصل الاجتماعي المختلفة، قائلا: بتتجاهلوني ليه حرام عليكم، أنا فنان معروف وشنبي ده تاريخ بنشط بيه السياحة بروح الأهرامات وأنشط السياحة، أنا جيت المهرجان أسلم على أستاذ حسين فهمي وأقوله إني روحت أعزيه في اخوه ولف وشه الناحية التانية بتعاملوني كده ليه الناس بتقول عليا معفن.