الخميس 21/نوفمبر/2024 - 07:11 م

اجتمع الرئيس عبد الفتاح السيسي رئيس الجمهورية القائد الأعلى للقوات المسلحة، اليوم، بعدد من قادة القوات المسلحة، بمقر القيادة الاستراتيجية بالعاصمة الإدارية الجديدة.

السيسي: القوات المسلحة ركيزة الاستقرار في مصر 

وقال الرئيس السيسي: الحقيقة أنا متابع الأنشطة كلها ومطمئن، ولكن عايز أوضح لكم نقطة مهمة، القوات المسلحة كانت دايما هي ركيزة الاستقرار في مصر  وزي ما أنتم شايفين المنطقة مضطربة جدًا وبتمر بأحداث صعبة، ومصر هي عنصر الاستقرار المهم على مدى السنين اللي فاتت وإن شاء الله السنين المقبلة من خلال سياسة متوازنة تتسم بالاعتدال والصبر في مواجهة الأحداث والتطورات اللي بتتم.

وأضاف السيسي: وزي ما أنتم شايفين على الاتجاهات الاستراتيجية التلاتة الغربية والجنوبية وحتى الشرقية، لكن إدارتنا المتزنة دي ساهمت بشكل كبير في الحفاظ على الاستقرار.

وواصل: ده مش كلامي بالمناسبة ده مش كلام معنوي لكم، ده كلام الدنيا كلها دلوقتي.. الدنيا كلها النهاردة عارفة إن مصر بتوازنها واستقرارها، المنطقة رغم الظروف الصعبة اللي بتمر بيها، مصر عامل ثقل كبير جدًا في هذا الاستقرار.