عزيزي الزائر أهلا وسهلا بك في موقع سعودي فايف نقدم لكم اليوم عمرو سعد: تنازلت عن نصف أجري في فيلم مولانا.. وحفظت جزءا كبيرا من القرآن - سعودي فايف
الخميس 21/نوفمبر/2024 - 10:14 م
أقام مهرجان القاهرة السينمائي، ندوة للفنان عمرو سعد خلال فعاليات الدورة الـ 45 للمهرجان، وتحدث خلال الندوة عن بداية مشواره الفني وكواليسه.
أبرز تصريحات عمرو سعد في ندوته بمهرجان القاهرة السينمائي
- أكتر عمل أثر فيا بعد دكان شحاتة هو فيلم مولانا، الدور ده أثر فيا بشكل خطير وبذلت مجهود كبير وكان أمانةً مني للدين والناس والبلد، وكان فيه مخاطرة كبيرة جدًا في نجاحه وتنازلت عن نصف أجري مع أني في الأول مكنتش عايز أعمله وخايف منه.
- حفظت جزء كبير من القرآن في فيلم مولانا بأحكام التجويد.
- عندنا في مصر وبلادنا العربية من يستحق يتعمله سيرة ذاتية، وبحلم أعمل الحلاج في السينما وابن الهيثم، والشيخ الشعراوي وأحمد زويل.
- ربنا أنعم عليا إني أشوف بنظرة الشقيان والغيرة اللي بيحسها من المتعلمين، وإني أشوف من كل الزوايا، كنت عامل زي العدسة وأنا صغير.
- جايز لو قدمت دور بطولة وكنت بطل في بداياتي مكنتش اتعلمت ولا عافرت وخضت تجربة قاسية، نجوم كبار عندهم رحلة صعبة محدش بيتكلم عنها.
- أنا الحمد الله في بداياتي اشتغلت مع يوسف شاهين، والمخرج يسري نصر الله، استفدت منهم وثقتي في نفسي زادت.
- لكن لما نزلت السوق شُفت قسوة اتجاه الجديد، ودايما بقول، أنت اللي هتصنع نفسك، بختك على دراعك في الدنيا، أنا بقول الحقيقة، محدش بيطلع السلم مرة واحدة، والنجاح في مصر مش تراكمي.
- أنا خجول، لأني شعرت أني ظلمت نفسي، لأني شعرت أن الجمهور يعرف شخصياتي في الأعمال الفنية، ولا يعرفني بشكل شخصي.
- حاليًا أصبح هناك عشوائية في السوشيال ميديا، فكنت أشعر أني بعيد عن كل شيء، وقررت التحدث حين تعرضت للنقد، وأردت أن يعرفني الناس والإعلام كشخص.
- إسماعيل ياسين عظيم، وأوقات وأنا قاعد بقرأ الفاتحة له لأنه كان بيساعد الناس إنهم يضحكوا ويخرجوا من حالة الحزن، ودمنا بقى خفيف بسببه.
- هذا يرجع أن أعماله كلها متقنة من استعراضات وكلامه وافيهاته والضحك النابع من داخله وأصل لكل الناس، علشان كده أفلام الستينات نجحت لأنها كانت متقنة.
- كنت من المحظوظين إني شُفت نجيب محفوظ وقعدت معاه من وأنا عندي 18 سنة، ولما بفكر في تجربتي بشوف إن ربنا أنعم عليا بناس كتير شوفتهم وقعدت اتكلمت معاهم زي أحمد زكي ومحمود عبد العزيز وعادل إمام.
- مش عايز حد يتفرج عليا ويحس إن كان ممكن ممثل تاني يعمل دوري، ومفيش دور عملته يجرؤ حد يقول عليه كان فلان هيعمله أحسن.
- كنت بقفل الأدوار اللي بعملها تمامًا، ولما بشوف زميل عمل دور حلو بفرح جدًا وبقف اسقفله، وبغير لو الدور مش معمول كويس.
- الممثلين عباقرة بس صعوبة الإنتاج في مصر ومفيش رفاهية كتير عندنا في إعادة المشاهد زي الأمريكان ولا فيه كوتش تمثيل، مكنش عندنا ثقافة كافية فعشان كدة ممثلين زمان عباقرة وبمجهود ذاتي قدروا يعملوا ده.
0 تعليق