السبت 23/نوفمبر/2024 - 08:53 م

قررت الدكتورة مها الحفناوي وكيلة وزارة التضامن الاجتماعي بمحافظة الإسماعيلية، مرور لجنة من مديرية التضامن الاجتماعي بالمحافظة، اليوم السبت على حضانة بالحي الثالث بالإسماعيلية، بعد اتهام المشرفين بالتعدي على صغير مصاب بالتوحد وذلك بعد انتشار فيديو يرصد الواقعة على مواقع التواصل الاجتماعي.

وقررت وكيلة وزارة التضامن الاجتماعي، إغلاق الحضانة الواقعة بالحي الثالث لعدم وجود تراخيص واتخاذ كافة الإجراءات القانونية.

وكان س ن ا، والد الطفل ف، البالغ من العمر 3 سنوات، نشر على صفحته الشخصية بمنصة فيسبوك، مقطع فيديو لابنه المتداول، معلقًا: اللي في الفيديو ده يبقى ابني، مريض توحد، والأستاذة اللى بتتفاخر إنها بتديله كل علقة والتانية المفروض إن هي المسؤولة عن علاجه والفيديو دا في جلسة علاجية، وطبعا لما طلبت أشوف تفريغ كاميرات المراقبة رفضوا ومعرفتش أوصل لحاجة.

وأضاف: الحضانة بيتعاملوا مع أطفال لا حول لهم ولا قوة وبيدوهم كل علقة والتانية معتمدين أنهم لسه مش بيعرفوا يتكلموا أو يعبروا، أنا منزل الفيديو عشان أي أب أو أم عندهم طفل ذو احتياجات خاصة يخلي باله من المكان دا.