البرتقال المصري عامل حالة خاصة في أسواق العالم كله مع دخول فصل الشتاء وبداية موسم التصدير ودا بعد ما قد يحافظ على صدارته عالميا للعام الثاني على التوالي وهزم البرتقال الاسباني في عقر داره.. ليه البرتقال المصري قدر يحقق الصعب وينتشر في الأسواق العالمية.. خليكم معانا للآخر.

مصر احتلت المرتبة الأولى للعام التانى على التوالى فى قائمة أبرز المصدرين للبرتقال إلى أوروبا قبل جنوب إفريقيا واسبانيا لدرجة أن صادرات أول 5 أشهر من السنة اللي فاتت  تجاوزت متوسط الصادرات فى الفترة بين 2019 و2023 بما يزيد على 59% وواصل البرتقال المصري الصدارة في الأسواق الأوروبية، باجمالي صادرات في أول 5 أشهر من العام الحالي وصلت لـ 382.5 ألف طن بزيادة 5.2% عن إجمالي صادرات الفترة المماثلة من السنة اللي فاتت..

بالارقام كشف الجهاز المركزي للتعبئة العامة والإحصاء،  ارتفاع حجم إنتاج مصر من البرتقال لـ3.16 مليون طن خلال 2022  كمان ارتفعت  المساحة الكلية لمحصول البرتقال وبلغت 344.9 ألف فدان في 2022 بزيادة 4.6٪  وقفزت كميه الإنتاج إلى  4 مليون طن في نفس السنة وكل الأرقام دي بتقول إن المنظومة كلها ناجحة ومفهاش خلل من اول المزارع لغاية العامل في المواني واللي قدرة يحققوا تجربة ناجحة عالميا ومستمرة في النجاح..

و اليومين دول مكاتب الحجر الزراعي المنتشرة في الموانئ استعدت لاستقبال شحنات البرتقال المصري المعدة للتصدير لكل الأسواق الدولية واللي وصلت إلى 160 سوق حول العالم وطبعا اي أسواق زيادة معناها تصدير اكتر وعملة صعبة اكتر كمان وبالارقام بردو سجلت عائدات صادرات الموالح المصرية في الموسم السابق 2023-2024 ما يصل إلى 1.163 مليار دولار بنمو 22.5% مقارنة بعائدات الموسم السابق ليه ودل من خلال شحن 2.45 مليون طن بنمو 36%،  بحسب بيانات الهيئة العامة للرقابة على الصادرات والواردات.

البرتقال المصري مجرد مثال للي بيحصل دلوقتي في كل المحاصيل والأسواق ومصر بدأت تنور تاني في الأسواق الدولية والعربية بمنتجات متنوعة ضمن خطة اكبر للوصول بالصادرات الي 100 مليار دولار في اقرب وقت وبعدها مضاعفة الرقم دا والوصول ل200 مليار دولار وهكذا لأن التصدير هو مفتاح النمو الاقتصادي وفي نفس الوقت حماية من تقلبات الأسواق العالمية وقوة للعملة المحلية مقابل الدولار الامريكي والتصدير طبعا بيعتمد على المحاصيل الخام أو المنتجات المصنعة محليا ودي حكاية تانية شغال عليها الفريق كامل الوزير ليل نهار وقريب جدا هنشوف سلع مصرية كتير في أسواق العالم المختلفة بعد الثورة اللي بتحصل دلوقتي في قطاع التصنيع بأنواعه.