كشف الشيخ خالد الجندي، عن حكم الأغاني، مؤكدا أنها كلمات منظومة حلالها حلال وحرامها حرام.

أضاف "الجندي" خلال حلقة اليوم من برنامج "لعلهم يفقهون": "الأغاني ما هي إلا كلمات منضودة مرصوصة منظومة حلالها حلال وحرامها حرام إن قولت كلمات محترمة أنت راجل محترم إن فولت غير كده حسابك عند ربك".

نرشح لك: خالد الجندي: القرآن أعطى للمرأة أكثر من الرجل

أوضح: "الأغاني أربع أنواع، الدينية مفيهاش مشكلة، الأطفال مفيهاش مشكلة وكذلك الوطنية الأغاني الرومانسية نوعين غزل وتشبيب الغزل أن واحد بيتكلم عن عاطفة بيحب واحدة هذا ليس مستنكر، لو قال تشبيهات في الجسم أو مفاتن المرأة ده اسمه تشبيب ده حرام قولا واحدا".

في سياق آخر، تحدث الشيخ خالد الجندي عن المواريث في القرآن الكريم، موضحا أن الشريعة الإسلامية عادلة بين الرجل والمرأة.

أوضح "الجندي" في برنامج "لعلهم يفقهون" على شاشة dmc: "لو افترضنا إن أخ وأخته ورثوا 150 ألف جنيه ومفيش ورثة تاني، الأخ هياخد 100 والأخت هتاخد 50".

تابع: "الأخت هتاخد الـ 50 تحطهم في خزنتها وتقفل عليهم ده الدين والمفروض.. الأخ هياخد الـ 100 يصرف بيهم على أخته ويأكلها ويعلمها ويجوزها ويجهزها، يبقى مين اللي خد أكتر؟ البنت".

استكمل: "هي شريعة الله كلها عدل، خلق الرجل متحملا قادرا على ذلك، الرجل في الإسلام هو المطالب بالنفقة على المرأة".

أردف: "ده حتى المرأة لما بتتجوز، الصداق اللي بتاخده اللي هو المهر بتاعها بيكون ليها خالص مخلص، يعني ماينفعش أقول للمرأة لازم تجهزي نفسك من المهر اللي اديتهولها، ده ملكها.. لو نظرت هتجد إن القرآن الكريم أعطى للمرأة أكتر مما أعطى الرجل".