كشفت أملة الملحن الراحل محمد رحيم، كواليس وأسباب المشاجرة التي نشبت بينها وأسرة الراحل خلال مراسم تشييع جنازة زوجها.

أرملة الراحل محمد رحيم تكشف التفاصيل

وقالت أنوسة كوتة، أرملة الملحن محمد رحيم: اللي حصل كان رد فعل لأني كنت عايزة الجنازة تتم بسرعة والموضوع متمش بسرعة لأنه دخل في شكوك شبه جنائية، والموضوع في الأخر انتهى بأنها وفاة طبيعية.

وأضافت كوتة: كان ضغطي عالي وعليا ضغط غير طبيعي ومصدومة وأحاسيسي وحشة، زوجي توفي في سريره وكنت منتظرة إن أنا أحزن عليه زي أي واحدة عادية وأخد جوزي وأصحابه وأهله وأروح أدفنه، مكنتش منتظرة أن أحنا ندفنه بعد الوقت ده كله.

وتابعت: كان عندي انهيار عصبي محدش منعني من الدخول هي الأخبار اللي نزلت كانت نازلة غلط.. والفيديوهات اللي نزلت اللي كانوا بيشدوني دول أهلي لأنهم لما شالوا الجثمان وابتديت أشوف الجثة جالي انهيار عصبي.

وأوضحت: وقت الوفاة كنت مسافرة السويس السرك بتاعي في السويس وكانت آخر مكالمة بنا أنه كان تعبان وقلتله نام شوية وأنا جيالك الصبح وحصل أذن ربنا ومات على سريره.. كان بيصلي ومش بيسيب فرض وكنت لسه جاية أنا وهو من عمرة الأسبوع اللي فات.