قال الفنان رامي جمال إنه لا يُحب أن يكون رقمًا في الفن ولا يُحب المقارنات بل يرغب في أن يحقق الجميع مزيد من النجاحات، مشيرا إلى أن خلال الفترة الحالية من يتحدث بسوء عن الآخر يصبح مادة إعلامية دسمة.

كتب "جمال" عبر خاصية القصص القصيرة عبر حسابه الرسمي على موقع تبادل الصور والفيديوهات "إنستجرام": "أنا محبش أكون رقم في الفن أنا احب أكون رامي جمال، وأحب أكون علامة بعد ما أقرر أبطل أو أزهق أو عمري يخلص، ومبحبش المقارنات ولا عاوزها، وعايز كل الناس ناجحين؛ دي مش مثالية لكن ثقة إن رزقي هو رزقي سواء نجحتوا أو لا، مفيش حد بياخد حاجة من رزق حد".

نرشح لك: زوجة رامي صبري تهاجم ويجز

أضاف: "الفن رصيد وجايز مكونش وصلت لسه للي بحلم بيه، بس أشكر ربي على كل اللي وصلتله، ولسه عشمان فيه أكثر ويشكر كل حد ساعدني بحب أو فن.. بشكر الصناع والشركات اللي اشتغلت معاهم".

كما توجه باعتذار لكن من ضايقه بقصد أو بدون قصد، قائلا: "من أي شخص أنا زعلته أو ضايقته بقصد أو غير قصد.. أنا انسان وممكن أكون غلطت وبغلط المهم وربنا العالم إن قلبي مفيهوش غير حب للناس اللي قربية واللي وبعيدة".

أوضح أنه يتعرض لكثير من الاحباطات، مضيفا: "بتعرض كثير لإحباط بس دايما ثقتي في ربنا وحظي ورزقي في حب من اللي حواليا وستر كبير بيخلوني أرجع واتشحن طاقة تاني، بحاول قد ما أقدر لي أجتهد وأجاهد نفسي إني أعمل سيرة حلوة عشان ده اللي باقي".

أردف: "بس المشكلة إن الفترة اللي إحنا عايشينها دي أما بتتكلم وحش عن حد کده بتبقی مادة إعلامیة دسمة، وده عمري ما هعملوا ".

اختتم: "أخيرا أنا بحبكم جدا أصحاب وأهل وجمهور.. وشكرا أنا عاوز أعيش في سلام وحب وكفاية الدنيا صعبة فسهلوها على بعض".