أكد الإعلامي عمرو أديب أن مصر لا تسع جماعة الإخوان الإرهابية، مشيرا إلى أن الشعب المصري عبر عن رفضه لوجود الجماعة في 30 يونيو.

وقال أديب خلال برنامج "الحكاية" المذاع على قناة "إم بي سي مصر": "محدش جايب سيرة خالص ليه؟ لماذا هذا الصمت الإخواني عادة متعودين يعني يقولك لا دا ميهمناش دا ظلم حتى العيال اللي بيأكلوهم في بوقهم محدش علق".

وأضاف: "ليه محدش فيهم علق أو قال حاجة؟ ليه محدش قال أيوة ومحدش فيهم قال لا عايز أفهم والمتعاطفين معاهم أيضا واللي كانوا عايشين معاهم أيضا لم يتحدث أحد وكأن هذا الأمر قد عمل استفتاء شعبيا في مصر وتجد المصريين على اختلافهم ويطلع الناس كلها جمعاء ضد هذا الأمر".

وتابع: "استفتاء الناس بتقول لا 99.9% بيقولوا لا في ناس تانية اللي هي أكثر مننا حكمة ورؤية ياجماعة لا دي إجراءات قانونية وانتوا فاهمين غلط".

وواصل: "على الفهم الغلط ده وأيا كان المبررات ما حدث الأمس واليوم هو اختبار لوعي هذا الشعب نحن لا نربي العقارب وقرينا تاريخ بل عيشنا التاريخ ده بصوا ياجماعة للدول ضروراتها ولكن للشعوب انحيازاتها".

وأكمل: "الشعب ده من غير ما تعمل استفتاء أو أي حاجة أنت شوفت انحيازه عامل ازاي حتى في ناس بتوع ياجماعة مش كده صوتهم واطي شوية إنما الصوت العالي ايه؟ لا عندنا ثقة في أجهزتنا الأمنية والتنفيذية والقضائية وعارفين أنهم لن يعرضوا هذا البلد لأي خطر، هم الأمناء والحراس".

وواصل: "انا كشعب جاتلي الفرصة أن أقول لا حتى لو أنت مش قاصد حتى لو أنت شايف أن في مصلحة ما وهو الأمر الذي استبعده الشعب باختلاف طوائفه بيقول لا".

وأوضح: "بصوا ياجماعة ياحنا يا هما في البلد يا المواطن يا الإخوان يا المصري يا الإخوان احنا الاتنين مش هنعيش سوا جربنا".

وذكر: "هل اللي حصل في 30 يونيو كان استفتاء على وجود حزب معين والشعب قال لا للأخوان فالإخوان قالوا ايه يا تتحكموا يا تتقتلوا دي الحاجة الوحيدة اللي كلنا فاهمنها احنا والاخوان لا". 

واختتم: "ياجماعة دول مش مصريين دول ميعرفوش مصر دول بيكرهونا عمى دول ميعرفوش يعني ايه جيش مصر أو داخلية مصرية انتوا فاكرين خيرت الشاطر لما كان بيروح وزارة الداخلية باليل وعايز يدخل الظباط الملتحين ولكن الأمن المصري كان عصي عليهم".