طرح الفنان رامي جمال أغنية جديدة تحمل اسم "ولا بفتكرك" من ألبومه "مش لاقيكي"، عبر قناته الرسمية على موقع الفيديوهات الشهير "يوتيوب".

أغنية "ولا بفتكرك" من كلمات أحمد المالكي، ألحان محمدي، توزيع ومكس وماستر أحمد أمين.

وجاءت كلمات أغنية "ولا بفتكرك" على النحو الآتي:

بالنسبالي كلامك عني

اللي أكيد افترا و تجني

عامل زي النكتة البايخة ماضحكناش

بالنسبالي رأيك فيا عامل كده زي الأغنية

اللي بنقفلها من النص ومانعيدهاش

ولا بفتكرك .. ولا بعاديك

ولا أصلاً بتكلم عنك من بعديك

خليك كده بتقل فعيني وعين الناس

كمل وأوعى تقرب تاني الله يخليك

ولا في عشرة مابيننا صاينها

ولا دي حاجة هاتكسب منها

كل عمايلك بتأكدلي أنا سيبتك ليه

كمل وأنا هاسمع وهاعدي

وهاضيع ليه وقت ف ردي

اللي فحالتك آخره بنضحك بس عليه

ولا بفتكرك .. ولا بعاديك

ولا أصلاً بتكلم عنك من بعديك

خليك كده بتقل فعيني وعين الناس

كمل وأوعى تقرب تاني الله يخليك

يشار إلى أن الفنان رامي جمال كان قد طرح أغنيتين من ألبومه "مش لاقيكي"، وهما أغنيتي "نومي مخاصمني" و"وجوده تعبني".

أغنية "نومي مخاصمني"، من كلمات فليبينو، ألحان محمد حمزة، توزيع ومكس وماستر أمين نبيل.

أغنية "وجوده تعبني"، من كلمات عمرو المصري وألحان عمرو الشاذلي وتوزيع ومكس وماستر عمرو الخضري.